काठमाडौं, जेठ १५। सरकारले आगामी आर्थिक बर्षको लागि उद्योग वाणिज्य तथा आपूर्ति  मन्त्रालयका लागि १० अर्ब ४८ करोड रुपैयाँ बजेट छ्याएको छ । आगामी आर्थिक बर्षको बजेट मार्फत निजी क्षेत्रले निर्माण गरेको अपार्टमेन्टको युनिट विदेशी नागरिकहरुले समेत खरिद गर्न सक्ने ब्यवस्था गरेको छ ।

एक सयभन्दा बढी युनिट भएका अपार्टमेन्टको बढीमा २० प्रतिशत युनिट विदेशी नागरिकलाई विदेशी मुद्रामा बिक्री गर्न दिने नीति सरकारले लिने भएको छ । यस्तो व्यवस्था कार्यान्वयनमा ल्याउनको लागि सरकारले बिद्यमान कानुनलाई नै संसोधन गर्ने घोषणा गरेको छ । स्मरणरहोत अहिलेसम्म नेपालमा विदेशी नागरिकलाई अपार्टमेन्ट खरिद गर्ने सुबिधा रहेको छैन ।