ललितपुर, असार ८। सडकमा छाडिएका घाइते जनावरलाई अस्पताल लैजान ललितपुर महानगरपालिकाले एम्बुलेन्स सेवा सुरू गरेको छ। स्नेहाज केयरको सहकार्यमा उक्त एम्बुलेन्स सेवा सुरु गरिएको हो । ​

ललितपुरका महानगरपालिकाका मेयर चिरिबाबु महर्जनले बुधबार आयोजित एक कार्यक्रममा एम्बुलेन्सको साँचो स्नेहाज केयरकी प्रमुख स्नेहा श्रेष्ठलाई हस्तान्तरण गर्दै सेवा सुरू गर्नुभएको छ । विभिन्न कारणले घाइते भएका जनावरलाई उपचारका लागि अस्पताल पुर्‍याउन सहयोग पुगोस् भन्ने उद्देश्यले यो एम्बुलेन्स सेवा सुरु गरेको मेयर महर्जनले बताउनुभयो ।