स्पेन, जेठ ८ । बार्सिलोनाले स्टार खेलाडी लियोनल मेस्सीलाई स्पेनिस ला लिगाको एक खेल अघि नै छुट्टी दिएको छ । आज नेपाली समय अनुसार रातीको पौने ९ बजे बार्साले एइबारको भ्रमण गर्नेछ । तर टिममा मेस्सी भने सामेल हुनुभएको छैन ।

मेस्सी शुक्रबार अभ्यासमा पनि अनुपश्थित हुनुहून्थ्यो । बार्सा एक विज्ञप्ती जारी गर्दै मेस्सीले जारी सिजन धेरै खेलेका र अगामी महिना कोपा अमेरिकाको तयारीमा जुट्नु अघि केही समय धेरै विश्राम पाउनु होस भन्ने हेतुले क्लबले प्रशिक्षकको निर्देशनमा उहाँलाई बिदा दिएको बताएको छ ।

जारी सिजन उहाँ लालिगाका सर्वाधिक गोल कर्ता हुनुहुन्छ । उहाँले बार्साबाट ३५ खेलमा ३० गोल गर्नु भएको छ । यो सिजनको अन्त्यसँगै बार्सासँगको उहाँको सम्झौता सकिनेछ । यो आफ्नो बार्साबाट अन्तिम खेल हुने यस अघि नै उहाँले बताइसक्नु भएको छ । इंग्लीस च्याम्पियन म्यान्चेष्टर सिटीसँग मेस्सीको नाम जोडिएपनि उहाँले भने केही बताउनु भएको छैन ।