काठमाडौं, असार १२। अभिनेता धिरज मगर र अभिनेत्री अदिती बुढाथोकी अभिनित चलचित्र ‘बाबरी’ भाद्र ३१ गते रिलिजको तयारीमा रहेको छ । धिरज र अभिनेत्री अदिती पहिलो पटक नेपाली चलचित्र ‘बाबरी’ मार्फत प्रदर्शनमा आएका हुन् ।

‘कृ’ पछि अदितीको यो दोस्रो चलचित्र हो । चलचित्रमा धीरज नाडकरको पनि मुख्य भूमिका रहेको छ । चलचित्रलाई सुरेन्द्र पौडेलले निर्देशन गर्नुभएको हो भने पुष्पलता बुढाथोकी र गणेश बुढाथोकी चलचित्रको निर्माताको रुपमा रहेका छन्।

त्रिकोणात्मक प्रेमकथामा आधारित सिनेमामा काठमाडौं, झापा, मोरङ र उत्तरी सिक्किमका रमणीय स्थानमा सिनेमाको छायांकन गरिएको छ। नरेन्द्र मैनालीको छायांकन रहेको फिल्मका मुख्य सहायक निर्देशक रित सिंह बोहरा हुनुहुन्छ।