कोलम्बिया, असार १३।  कोलम्बियामा साँढे जुधाइ प्रतियोगिता हेर्न रङ्गशालामा भेला भएका दर्शक बस्ने कक्षको १ भाग भत्किँदा ४ जनाको ज्यान गएको छ ।मृत्यु हुने हरुमा २ महिला १ पुरुष र १ बालक रहेका र ३० जना घाइते भएका छन् । कोलम्बियाको एल एस्पिनल रङ्गशालामा प्रतियोगिता चलिरहँदा काठको ३ तले दर्शकदीर्घा भत्किएको हो ।

कोलम्बियामा बर्सेनि आयोजना हुने गरेको सान पेड्रो फेस्टिबलमा साँढेले हानेर कयौँको ज्यान जाने गरेको छ । राष्ट्रपति गुस्ताभो पेट्रोले यस्ता प्रतियोगितामाथि प्रतिबन्ध लगाउनुपर्ने बताउनु भएको छ ।