जुत्ता भित्र लुकाएर ल्याइएको ७१६ ग्राम कस्तुरीको विना जस्तो देखिने धुलोसहित कोरियन नागरिक पक्राउ
काठमाडौं, असार १५। प्रहरीले ७१६ ग्राम कस्तुरीको विना जस्तो देखिने धुलोसहित एक जना कोरियन नागरिकलाई पक्राउ गरेको जानकारी दिएको छ । प्रहरीका अनुसार कोरियन एयरको उडानद्वारा कोरिया जान लागेका यात्रु जुङ जोन जुनलाई त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थान कक्षको ह्याण्ड व्यागेज चेकिङ एरियामा सुरक्षा खानतलासी गर्ने क्रममा पक्राउ गरिएको हो ।
उनले दुवै जुत्ता भित्र सेतो रंगको प्लास्टिक र टेपले बेरेर कस्तुरीको विना जस्तो देखिने २ पोका धुलो फेला परेको छ । उनलाई आवश्यक अनुसन्धान एवं कारबाहीको लागि डिभिजन वन कार्यालय, हात्तिसार, काठमाडौंमा पठाइएको जानकारी प्रहरीले दिएको छ ।
प्रकाशित मिति: बुधबार, असार १५, २०७९ १७:५२
प्रतिक्रिया दिनुहोस्
साताको लोकप्रीय
