मुम्बई, असार १७। बलिउड अभिनेता जोन अब्राहम र अर्जुन कपूरको बहुप्रतिक्षित फिल्म ‘एक भिलेन रिटर्न्स’ को ट्रेलर केही समय अगाडि रिलिज भएको छ । सस्पेन्सले भरिएको 'एक भिलेन रिटर्न्स' एक एक्सन-थ्रिलर फिल्म हो ।
फिल्ममा खलनायक को ? ट्रेलर हेरेपछि पनि थाहा हुदैन, यो पटक खलनायक को हुन्- जोन अब्राहम कि अर्जुन कपूर ? ट्रेलरमा पर्दा हटाइएको छैन, यो सस्पेन्स फिल्मको क्लाइमेक्ससम्म कायम राख्न सकिनेछ । यस पटक फिल्मको खलनायक जो भए पनि उसले एकतर्फी प्रेमी भएका केटीहरूलाई मात्र निशाना बनाएको छ।
रिलिज हुने बित्तिकै सामाजिक सञ्जालमा हावी भएको यो फिल्मको ट्रेलरलाई दर्शकले निकै रुचाएका छन् । ट्रेलर हेर्दा यो पटक फिल्ममा थप सस्पेन्स देखिन्छ । यस फिल्ममा दिशा पटानी र तारा सुतारिया मुख्य भूमिकामा देखिनेछन् ।
निर्देशक मोहित सुरीद्वारा निर्देशित यो फिल्म २०१४ को फिल्म 'एक भिलेन' को सिक्वेल हो । यस फिल्ममा सिद्धार्थ मल्होत्रा, श्रद्धा कपूर र रितेश देशमुख देखिएका थिए र यो फिल्म बक्स अफिसमा हिट भएको थियो ।
यो चलचित्रलाई पनि दर्शकले निकै मन पराउने अपेक्षा गरिएको छ । आगामी महिना जुलाई २९ मा हलमा रिलिज हुने तय भएको छ।
