कोपनहेगन, असार २०। दक्षिण कोपनहेगन स्थित फिल्ड्स मलमा आम मानिसमा आतङ्क फैलाउने आक्रमण गरेको आरोपमा २२ वर्षीय व्यक्तिलाई पक्राउ गरी अभियोग लगाइएको छ। प्रहरी प्रमुख सोरेन थोमसेनले आक्रमणको कारण स्पष्ट नभएको र उनले उक्त कार्यलाई "आतङ्कवाद सम्बन्धी कार्य" होइन भन्न नसकिने बताए।
आक्रमणका शङ्कास्पदलाई पक्राउ गर्दा उनको हातमा राइफल र गोलाबारी रहेको प्रहरीले जनाएको छ। गोली चल्दा किनमेल गर्न आएका मानिसहरूले भोगेको आतङ्कबारे प्रत्यक्षदर्शीहरू बोलेका छन्। सन्दिग्ध सँग सोमवार न्यायाधीशले सोधपुछ गर्ने बताइएको छ।
प्रहरीका अनुसार उनीसँग अन्य आक्रमणकारीहरू संलग्न रहेको कुनै सङ्केत भेटिएको छैन र पसल सञ्चालकहरूलाई उनीहरूसँग हुन सक्ने कुनै पनि भिडिओ फुटेज सुरक्षित गर्न आग्रह गरिएको छ। फिल्ड्स मलमा १४० भन्दा बढी पसल र रेस्टुराँहरू छन्। थुप्रै तलाको यस मल कोपनहेगनको बाहिरी भागमा छ र यो सहरको केन्द्रसँग जोडिने सबवे लाइन नजिकै रहेको छ।
तीमध्ये १ इसाबेल नाम गरेकाले मिडियालाई भनिन्स् "अचानक हामीले विस्फोटक आवाजहरू सुन्यौँ। १० पटक जति गोली प्रहार भएको आवाज सुनेझैँ लाग्छ। त्यसपछि दौडिएर मलको शौचालयमा पुग्यौँ। त्यो सानो शौचालयमा हामी वरपर ११ जना थियौँ।"
घटनास्थलबाट १ माइलभन्दा कम दूरीमा तय भएको ब्रिटिश गायक ह्यारी स्टाइल्सको प्रस्तुति हाल रद्द गरिएको छ। गोलाबारी भए लगत्तै डेनमार्कको शाही परिवारले युवराज फ्रेड्रिकले आयोजना गर्ने भनिएको एक भोज पनि रद्द गरेको घोषणा गर्यो।
डेनमार्कमा पछिल्लो पटक सन् २०१५ मा एउटा ठूलो आतङ्ककारी घटना भएको थियो। कोपेनहेगनको एउटा सांस्कृतिक केन्द्र तथा सभा घरमा भएको त्यस आक्रमणमा २ जनाको मृत्यु भएको थियो र ६ जना प्रहरी अधिकारीहरू घाइते भएका थिए। त्यति बेला बन्दुकधारी मानिस प्रहरीसँगको गोली हानाहानमा परी मारिएका थिए।
