काठमाडौं, असार २५। मल्टि स्टारर फिल्म ‘लाखे’ को टिजर शुक्रबार ओएसआर डिजिटलमार्फत दर्शकमाझ ल्याइएको छ । केही समयअघि सार्वजनिक फस्र्टलुक पोस्टरबाटै चर्चा बटुल्न सफल फिल्मको करिब सवा एक मिनेट लामो टिजरले दर्शकको अपेक्षा झन् बढाएको छ ।

भदौ ३१ गते प्रदर्शन हुने ‘लाखे’ को टिजरबाट फिल्म सस्पेन्स र थ्रीलरले भरिएको आँकलन गर्न सकिन्छ । सम्राट बस्नेत निर्देशित फिल्ममा सौगात मल्ल, अनुप बिक्रम शाही, वर्षा राउत, आर्यन अधिकारी, सुुशील सिटौला, प्रशान्त ताम्राकार, अर्पण थापा, रोहित रुम्बा, सन्जोग राणा, रक्षा बुढाथोकी, कालु राना र बाल कलाकार सिस्टम भण्डारी मुख्य भूमिकामा छन् । गणेश मल्ल ठकुरी (जिएम) को प्रस्तुति रहेको फिल्मको कथाकार र निर्माता सिजन अर्याल हुन् । हरि मल्ल ठकुरी कार्यकारी निर्माता रहेको फिल्म सुसन प्रजापतिले खिच्नुभएको हो ।

ग्लोबल मिडिया एण्ड रिसर्च सेन्टर र औरिवन प्रोडक्सनको ब्यानरमा निर्माण भएको फिल्मको पटकथा, सम्वाद आकाश बरालले लेखेका हुनुहुन्छ । दीपक बज्राचार्यको संगीत, कविराज गहतराजको कोरियोग्राफी निर्देशक सम्राटकै द्धन्द्ध निर्देशन र दीलिप पन्तको प्रोडक्सन डिजाइन रहेको फिल्मलाई आरआर फिल्मसको बितरण गर्दैछ ।

निर्देशक सम्राटले ‘लाखे’ हर प्रकारले उत्कृष्ट भरपुर मनोरञ्जक फिल्म बनेको बताउने गरेका छन् । यसअघि ‘पासवर्ड’ निर्देशन गरेका निर्देशक बस्नेत कहलिएका द्धन्द्ध निर्देशक हुनुहुन्छ । त्यसकारण उहाँको यो फिल्ममा पनि भरपुर मात्रामा ‘थ्रील’ आश गर्न सकिन्छ ।

टिजर-
https://www.youtube.com/watch?v=h1f9IJY4GcU