काठमाडौं, असार २९। काठमाडौं उपत्यका ट्राफिक प्रहरी कार्यालयले चोरीको मोटरसाइकल सहित एक जनालाई काठमाडौँको गोङ्गबु चोकबाट नियन्त्रणमा लिएको छ ।
ट्राफिक प्रहरीले सर्लाही हरिवन नगरपालिका वडा नं. १० सुकेपोखरी घर भई हाल काठमाडौं कपन बस्ने वर्ष ३० को मनोज घिमिरेलाई काठमाडौं बुद्धनगरबाट हराएको बागमती प्रदेश ०२–०२४ प ०१८९ न.को रातो रङको २०० सी.सी.को पल्सर मोटरसाइकल सहित नियन्त्रणमा लिएको जानकारी सह-प्रवक्ता प्र.ना.उ.बाल नरसिंह राणाले बताउनु भयो ।
वास्तविक नम्बर बागमती प्रदेश ०२–०२४ प ०१८९ खुल्न आएको सो मोटरसाइकल जिल्ला काभ्रेपलाञ्चोक धुलिखेल नगरपालिका ७ घर भई हाल काठमाडौं बुद्धनगर बस्ने सौगन श्रेष्ठको रहेको छ । नियन्त्रणमा आएको मोटरसाइकल सहित पक्राउ परेका मानिसलाई चोरी मुद्दा अनुसन्धान एव कारबाहीका लागी प्रहरी वृत्त बानेश्वर पठाइएको ट्राफिक कार्यालयले जनाएको छ ।
