काठमाडौं, असार ३२। बहुप्रतिक्षित फिल्म ‘कृष्ण–लीला’ ट्रेलर बिहिबार सार्वजनिक गरिएको छ । युट्युव च्यानल डिएआर मुभीज मार्फत दर्शकमाझ ल्याइएको झण्डै तीन मिनेट लामो ट्रेलरमा कमेडी, रोमान्स, लभ, सस्पेन्स र सेन्टिमेन्ट्सको समिश्रण देखिन्छ ।  

दीपक ओलीको निर्देशनमा बनेको फिल्म भदौ ३ गतेदेखि देशब्यापी प्रदर्शनमा उत्रदैछ । आरआर फिल्मस्को ब्यानरमा रोहित कट्टेलको प्रस्तुति र रत्न श्रेष्ठ कार्यकारी निर्माता रहेको फिल्ममा पुष्प खड्का र श्रद्धा क्षेत्रीका साथमा बुद्धि तामाङ, रबिन्द्र झा, भावना गुरुङ,नवीन रेग्मी,हिउँवाला गौतम, आयुषा क्षेत्री तथा बालकलाकर आयुष गुरागाई मुख्य भूमिकामा रहनुभएको छ ।

कृष्ण जन्माष्टमीको दिनमा दर्शकमाझ आउने फिल्मको निर्माता प्रकाशराज कार्की र केवल तामाङ हुनुहुन्छ । पिताम्बर आचार्य र रोजन श्रेष्ठ सहनिर्माता रहेको फिल्मको लाइन प्रोड्युसरमा रमेश तामाङ रहनुभएको छ । रंग पत्रकार लक्ष्मण सुवेदी लिखित फिल्म पूर्वी नेपालको पाँचथर, इलाम, झापाका रमणीय स्थलहरुमा छायांकन गरिएको हो । शिब ढकालले खिचेको फिल्मको सम्पादन अर्जुन जिसीले गरेका छन् । अर्जुन पोखरेल र बाबुल गिरीको संगीत, रामजी लामिछाने र माइकल चन्दको कोरियोग्राफी तथा श्री श्रेष्ठको द्धन्द्ध निर्देशन रहेको फिल्मको बितरण पनि निर्माण ब्यानर आरआर फिल्मसले गर्दैछ ।

फिल्मका सार्वजनिक ‘कुनै दिन यस्तो पनि..’ र ‘ए मेरो हजुर..’ बोलका दुवै गीत हिट भएसँगै निर्माण पक्ष ‘कृष्ण–लीला’ प्रति निकै उत्साहीत देखिएको छ । प्रदर्शनको मिति नजिकीदै जादा प्रचारप्रसारलाई तीव्रता दिएको यो फिल्मको कृष्ण र लीला अर्थात् अभिनेता पुष्प र अभिनेत्री श्रद्धाको जोडी पनि अहिले चर्चामा छ । फस्र्टलुक सार्वजनिक सँगै सबैको नजरमा परेको फिल्मले दर्शकको अधिक माया पाउने बिश्वास आम फिल्मकर्मीले गरेका छन् ।

ट्रेलर–
https://www.youtube.com/watch?v=aAccDLzVmcE