मुम्बई, साउन ८। बलिउड अभिनेता रणवीर सिंहले नग्न फोटोशूट गराएर सामाजिक सञ्जालमा हंगामा मच्चाएका छन् । कतिपय फ्यानले रणवीरको यो स्टाइलको तारिफ गरिरहेका छन् भने कतिपयले यी तस्विरलाई पत्याउन सकिरहेका छैनन् ।
रणवीर सिंह एक फेसन जन्की हुन् । उनको ड्रेसिङ स्टाइलका कारण उनलाई प्रायः मानिसहरुले ट्रोल गर्छन् तर उनी कुनै कुराको वास्ता गर्दैनन् । यसपटक रणवीर सिंहले पूर्ण न्यूड फोटोशूट गरेर हलचल मच्चाएका छन् ।
रणवीर सिंहले एक चर्चित म्यागजिनको कभर पेजका लागि यो नग्न फोटोशूट गरेका हुन् । कतिपय तस्विरमा रणवीर बिना कपडा देखिएका छन् । उनको यो स्टाइल देखेर कसैले तारिफ गरिरहेका छन् भने कोही यी तस्विरहरुलाई सत्य मान्न इन्कार गरिरहेका छन् । सामाजिक सञ्जाल प्रयोगकर्ताहरूले यी तस्बिर नक्कली भएको बताएका छन् ।
आफूलाई यस्तो फोटो सुटले कुनै फरक नपार्ने बताउदै एउटा इन्टरभ्यूमा उनले भनेका छन्, "शारीरिक रूपमा नग्न हुन मेरो लागि सजिलो छ । मैले केही प्रदर्शनहरूमा पनि गरेको छु। तपाईंले मेरो आत्मा देख्न सक्नुहुन्छ। तर त्यो कति नग्न छ यो देख्न सक्नुहुन्न। म हजारौं मानिसहरूको अगाडि नग्न हुन सक्छु। मलाई फरक पर्दैन तर अरुलाई फरक पर्छ । उनीहरुलाई असहज हुन्छ ।"
