काठमाडौं, साउन ९। २०७९ सालको साउन महिनाको दोस्रो सोमबार आज अत्यन्तै शुभ संयोग मिलेको छ । आज शिवलाई समर्पित प्रदोष व्रत पनि हो । आज व्रत र पूजा गर्दा दोहोरो फल मिल्छ ।

साउन महिनालाई हिन्दू धर्ममा अति पवित्र महिना मानिन्छ । साथै यस महिनामा पर्ने सबै सोमबार र प्रदोष व्रतको पनि महत्व छ । यस वर्ष साउन महिनाको सोमबारमा विशेष संयोग बनिरहेको छ । आज श्रावण ९ गते सोमबारको प्रदोष व्रतका कारण यस दिनको महत्व धेरै गुना बढेको छ । सोमबार पर्ने प्रदोषलाई सोम प्रदोष व्रत भनिन्छ ।

साउन सोमबार भगवान शिवको पूजा र व्रत गर्नाले दोहोरो फल मिल्छ । आज पनि प्रदोष व्रतका कारण भक्तजनले एउटै पुजा र व्रतबाट दुई व्रत-पूजाको फल पाउनेछन् । त्यसैले आज पूर्ण विधिपूर्वक पूजा गरी शिवलिंगमा कम्तिमा केही विशेष वस्तु चढाउनुपर्छ । यसो गर्नाले जीवनका सबै दुःखहरू हट्नेछन् ।

महादेवको लागि भक्तिपूर्वक चढाइएका सुख्खा पात र जल चढाउँदा पनि सुख मिल्ने भनिए पनि सोम प्रदोष अर्थात साउन सोमबारको दिन केही विशेष वस्तु चढाउँदा भक्तका मनोकामना पूरा हुन्छन् । त्यसैले शिवलिंगको जलाभिषेकसँगै दूध, दही, घिउ, मह, चामल, सेतो आक फूल, सेतो चन्दन र चिनी चढाउनुपर्छ। यसो गर्नाले जीवनका सबै दुःखहरू हट्नेछन् ।