५०५५ जनामा परिक्षण गर्दा ६३८ जनामा कोरोना पुष्टि
२ जनाको मृत्यु , २०० जना संक्रमणमुक्त
काठमाडौं, साउन १० । स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा छ सय ३८ जनामा कोरोना भाईरस (कोभिड १९) को संक्रमण पुष्टि भएको छ । देशभरका प्रयोगशालाहरुबाट कुल पाँच हजार ५५ वटा नमूना परीक्षण गर्दा उक्त संख्यामा संक्रमण पुष्टि भएको मन्त्रालयले जानकारी दिएको छ ।
यसैगरी पछिल्लो २४ घण्टामा कोभिड १९ को संक्रमणबाट मृत्यु हुनेको संख्या दुई रहेको छ । यो समेत गरी नेपालमा कोभिड संक्रमणका कारण मृत्यु हुनेहरुको संख्या ११ हजार नौं सय ५९ पुगेको छ । मन्त्रालयका अनुसार पछिल्लो २४ घण्टामा थप दुई सय १८ जना संक्रमणमुक्त भएका छन् ।
यो समेत गरी नेपालमा सक्रिय संक्रमितको संख्या तीन हजार सात सय १४ पुगेको स्वास्थ्य तथा जनसंख्या मन्त्रालयले जानकारी दिएको छ ।
प्रकाशित मिति: मंगलबार, साउन १०, २०७९ १५:५८
प्रतिक्रिया दिनुहोस्
थप स्वास्थ्य
साताको लोकप्रीय
