काठमाडौं, जेठ ११ । नेपाली युवा लेग स्पीनर सन्दिप लामिछानेले अगामी संस्करणको क्यारेबियन प्रिमियर लिग फ्रेन्चाइज क्रिकेट प्रतियोगितामा ट्रीनबागो नाइट राइडर्सबाट खेल्नु हुने भएको छ ।

साविक बिजेता समेत रहेका ट्रिनबागोले आफ्नो अफिसियल फेसबुक पेजबाट सन्दिपलाई अनुबन्ध गरेको बताएको हो । गत वर्ष ट्रिनबागोले अपराजित रहँदै उपाधी उचालेको थियो । सन्दिपले त्यो सिजन भने जमैका तलावाजबाट खेल्नु भएको थियो । त्यहाँ उहाँले ११ खेलमा दुई विकेट लिनुभएको थियो । सन्दिपले पनि सामाजिक सञ्जाल माफर्त आफुलाई ट्रिन्बागोले अनुबन्ध गरेको उल्लेख गर्दै खुशी व्यक्त गर्नुभएको छ  । गत वर्ष उहाँलाई जमैकाले एक करोड ८ लाखमा अनुबन्ध गरेको थियो ।

काइरन पोलार्डको कप्तानीमा रहेको टिम ट्रिन्बागोमा सन्दिप सहित डावेन ब्राभो ,अली खान लगायतका खेलाडी हुनुहुन्छ । सिपिएल आगामी अगष्ट २८ देखि सेप्टेम्बर १९ सम्म हुनेछ ।