काठमाडौं, भदौ ५ । गत वर्ष अदालती विवाह गर्नुभएका अभिनेता कर्मा शाक्यले भदौ ४ गते बिहेभोज आयोजना गर्नुभएको छ । विदेशी प्रेमिका एनी सोफीसँग विवाह गर्नुभएका कर्माले कोरोना महामारीका कारण बिहेभोजमा ढिलाइ भएको बताउनुभयो । कर्माले आफन्त, साथीभाइ तथा चलचित्र क्षेत्रका व्यक्तिहरूलाई पार्टीमा निम्तो गर्नुभएको थियो ।

चलचित्र र थिएटर अभिनेता कर्माले चलचित्र ‘सानो संसार’ बाट चलचित्र क्षेत्रमा प्रवेश गर्नुभएको थियो । यो सँगै उहाँले लुट, लुकामारी, भिसा गर्ल, सुन्तली र फर्स्ट लभ जस्ता चर्चित चलचित्रमा अभिनय गर्नुभएको छ ।
 
योसँगै अभिनेता शाक्य हलिउड फिल्ममा पनि प्रवेश गर्दै हुनुहुन्छ। उहाँ ज्याक स्टेन्जको नयाँ फिल्म फ्रोस्टबाइटमा अनुबन्धित हुनुभएको छ ।