बनेपामा प्रहरी र बन्दकर्ताबीच झडप, केहि बन्दकर्ताहरु पक्राउ
काठमाडौं, भदौ ७। बनेपाको चारदोबाटोमा बन्दको नाममा गाडिमा तोडफोड गर्ने बन्दकर्ता र नेपाल प्रहरीबीच झडप भएको छ । बन्दकर्ताहरुलाई स्थानीयहरुले कुटपिट समेत गरेका छन् । केहि बन्दकर्ताहरुलाई प्रहरीले पक्राउ गरेको छ । झडपपछि बनेपा केहिबेर तनावग्रस्त बनेको थियो ।
चितवनमा पनि बन्दको अवज्ञा गरेको भन्दै ६ वटा गाडीमा तोडफोड भएको छ । तोडफोड गरेको आरोपमा प्रहरीले पाँचजना बन्दकर्तालाई पक्राउ गरेको छ भने चार वटा मोटरसाइकल नियन्त्रणमा लिएको छ ।
यस्तै दाङमा घोराहीबाट सिसहनियाँ जाँदै गरेको रा १ ख १६९४ नम्बरको टिपरमा मंगलबार बिहान अज्ञात समुहले आगजनी गरेको छ । दाङ जिल्लामा बन्दको कारण सार्वजनिक गाडीहरु चल्न सकेका छैनन् । सरकारी तथा निजी बिद्यालय पनि खुलेका छैनन।
प्रकाशित मिति: मंगलबार, भदौ ७, २०७९ १०:५६
प्रतिक्रिया दिनुहोस्
साताको लोकप्रीय
