काठमाडौं, भदौ १२ । नेपाली फिल्म जगतमा पछिल्लो पुस्ताका अत्याधिक चर्चित अभिनेता अनमोल केसीको आगामी फिल्म ‘छड्के-२’ को नयाँ लुक्स सार्वजनिक भएको छ। आक्रामक लुक्समा देखिनुभएका अनमोल यस चलचित्रमा ग्याङ्गस्टारको भूमिकामा देखिँदै हुनुहुन्छ ।

चलचित्रको छायांकन चितवनबाट सुरु भइसकेको छ भने यसपछि छायांकनका लागि युनिट मुस्ताङ पुग्नेछ । काभ्रे फिल्मसको ब्यानरमा बन्ने फिल्ममा प्रशान्त गिरी र लक्ष्मण काफ्लेको लगानी रहनेछ। चलचित्रमा अनमोलसँगै रोविन तामाङ र कमलमणि नेपालको पनि मुख्य भूमिका रहनेछ ।

निगम श्रेष्ठको लेखन तथा निर्देशनमा बन्ने फिल्म अनमोलसँगै रविन तामाङ र कमलमणि नेपालको पनि अभिनय रहनेछ । निर्माण टिमले अभिनेत्रीको नाम भने अहिलेसम्म बाहिर ल्याएको छैन ।