काठमाडौं, भदौ १६ ।  साताको पाँचौ दिन आज बिहीबार सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार बुधबार प्रतितोला रु.९४ हजार रुपैयाँमा कारोबार भएको छापावाल सुनको मूल्य बिहीबार रु.९००ले घटेर रु.९३ हजार १ सय रुपैयाँमा कारोबार भइरहेको छ ।

तेजावी सुन प्रतितोलामा रु.९२ हजार ६ सय रुपैयाँमा कारोबार भइरहेको छ । यस्तै, चाँदीको मूल्य बिहीबार रु.३० रुपैयाँले घटेर रु.१ हजार १ सय रुपैयाँमा कारोबार भइरहेको महासंघले जनाएको छ ।

बुधबार सुन रु.८ सय र चाँदी १५ रुपैयाले घटेको थियो ।