काठमाडौं, भदौ १६ ।  इंग्लिस प्रिमियर लिगमा म्यानचेस्टर सिटीले सानदार जित निकालेको छ । गएराति भएको खेलमा सिटीले नटिङहम फरेस्टलाई ६-० गोल अन्तरले पराजित गरेको हो । सिटीलाई सानदार जित दिलाउनको लागि नर्वेली युवा फरवार्ड एर्लिङ ब्राउट हालान्डको ह्याट्रिक गरे । जुलियन अल्भारेजले २ तथा जोआओ क्यान्सेलोको १ गोल थपे ।

खेलको १२औं मिनेटमा हालान्डको गोल गर्दै सिटीलाई अग्रता दिलाएका थिए । २३औं मिनेटमा हालान्डले नै गोल गर्दै सिटीको अग्रता दोब्बर बनाए । ३८औं मिनेटमा हालान्डले ह्याट्रिक पुरा गरेपछि सिटीले पहिलो हाफमै ३-० को अग्रता लियो ।

सिटी आएका हालान्डको यो दोस्र ह्याट्रिक हो । यसअघि हालान्डले क्रिस्टल प्यालेसमाथि ४-२ को जित निकाल्दा ह्याट्रिक पूरा गरेका थिए । सिटीबाट ५ खेल खेल्दा उनले ९ गोल गरेका छन् भने १ असिस्ट दिएका छन् । ५०औं मिनेटमा जोओ क्यान्सेलोले गोल गर्दै सिटी ४-० को अग्रता लियो । त्यसपछि ६५औं मिनेट र ८७औं मिनेटमा अल्भारेजगोल गर्दै सिटीलाई सानदार जित दिलाए ।

जितसँगै सिटी ५ खेलबाट १३ अंक जोडेर दोस्रो स्थानमा यथावत रहेको छ । पराजित नटिङहम फरेस्ट ४ अंक जोडेर १५औं स्थानमा रहेको छ ।