काठमाडौ भदौ १७ ।  इंग्लिस प्रिमियर लिगमा म्यानचेस्टर युनाइटेडले जित निकालेको छ । गएराति भएको खेलमा युनाइटेडले लेस्टर सिटीलाई १-० गोल अन्तरले पराजित गरेको हो ।

युनाइटेडको जितमा सान्चोले पहिलो हाफमा गरेको गोल नै निर्णायक बन्यो । उनले २३औं मिनेटमा मार्कुस रासफोर्डको पासमा गोल गर्न सफल भएका थिए । लगातार तेस्रो जितसँगै युनाइटेड ५ खेलबाट ९ अंक जोडेर पाँचौं स्थानमा रहेको छ । पराजित लेस्टर १ अंक जोडेर पुछारमा छ ।