काठमाडौं, भदौ २० । दुई सातादेखि केन्यामा रहेको नेपाली राष्ट्रिय क्रिकेट टिमले आज आज घरेलु टोलीसँग तेस्रो तथा अन्तिम एक दिवसीय क्रिकेट खेल आज खेल्दैछ ।

नेपाल र केन्याबीचको खेल दिउँसो १२ः१५ बजे नैरोवीस्थित जिमखाना क्रिकेट मैदानमा हुनेछ । यसअघि नेपालले पहिलो र दोस्रो एक दिवसीय खेल जित्दै एक खेल अगावै शृङ्खला आफ्नो पक्षमा पारिसकेको छ । केन्यामा पहिलोपटक तीनै म्याच जित्दै क्लिन स्विप गर्ने नेपाललाई आज इतिहास रच्ने मौकासमेत रहेको छ।
 
नेपालले केन्यालाई पहिलो एक दिवसीयमा ७ विकेटले र दोस्रो एक दिवसीयमा १७ रनले पराजित गरेको थियो ।