काठमाडौं, भदौ २३ । राष्ट्रिय क्रिकेट टोलीका कप्तान सन्दीप लामिछानेलाई राष्ट्रिय क्रिकेट टिमबाट निलम्बन गरिएको छ ।

लामिछाने विरुद्ध १७ वर्षकी किशोरीलाई बलात्कार गरेको आरोपमा जाहेरी दर्ता परेपछि क्यानको कार्यसम्पादन समितिले गरेको निर्णय अनुसार लामिछानेलाई कप्तानसहित राष्ट्रिय टोलीबाट निलम्बन गरिएको नेपाल क्रिकेट संघ (क्यान) ले जनाएको छ ।

जिल्ला अदालत काठमाडौंले लामिछानेलाई पक्राउ गर्न आज अनुमति दिएको छ । अब प्रहरीले उनलाई कुनैपनि बेला पक्राउ गर्नसक्ने प्रहरीले जनाएको छ ।