काठमाडौं, भदौ २७ । छैटौं साफ च्याम्पियनसिप २०२२ अन्तर्गत समूह बी को अन्तिम खेलमा आज नेपाली महिला राष्ट्रिय फुटबल टोलीले श्रीलंकाको सामना गर्दैछ ।  त्रिपुरेश्वरस्थित दशरथ रंगशालामा हुने खेल आज साँझ ५ः३० बजे सुरु हुनेछ।

समूहको पहिलो खेलमा भुटानलाई ४-० ले हराउँदै प्रतियोगितामा सुखद सुरुवात गरेको नेपाल लगातार दोस्रो जित निकाल्दै समूह विजेता बन्ने लक्ष्यमा रहनेछ। भुटानले त्यसपछि दोस्रो खेलमा श्रीलंकालाई ५-० ले पराजित गर्दै सेमिफाइनलमा स्थान पक्का गरिसकेको छ । समूह 'बी' मा नेपाल, भुटान र श्रीलंका छन् ।

आजको खेलमा नेपाल विजयी भएमा भुटान यस समूहबाट उपविजेताको रुपमा अन्तिम चारमा पुग्नेछ ।

बहराइनमा जारी एएफसी यू-२० च्याम्पियनसिपमा आज कतारसँग नेपाल भिड्दै
बहराइनमा जारी एएफसी यू-२० एसियन कप छनोटमा आज नेपालले कतारसँग खेल्दैछ। बहराइनको शेख अलि बिन मोहमद अल खालिफा स्टेडियममा हुने खेल नेपाली समयअनुसार रातको ११ः४५ बजे सुरु हुनेछ । पहिलो खेलमा नेपाल भुटानसँग २-० ले हारेको थियो।