काठमाडौं, भदौ २७ । छैटौं साफ च्याम्पियनसिप २०२२ अन्तर्गत समूह बी को विजेता बन्दै नेपाल छैटौं महिला साफ च्याम्पियनसिपको सेमिफाइनलमा प्रवेश गरेको छ ।

त्रिपुरेश्वरस्थित दशरथ रंगशालामा भएको समूहको अन्तिम खेलमा श्रीलंकालाई ६-० ले पराजित गर्दै नेपाल अन्तिम चारमा प्रवेश गरेको हो । खेलको ७६ औं मिनेटमा अमिशा कार्कीले २ तथा रश्मीकुमारी घिसिङ, सरु लिम्बु, अमृता जैशी र दीपा शाहीले १-१ गोल गरे । पहिलो हाफमा चार गोल गरेको नेपाल दोस्रो हाफमा दुई गोल थप्यो । दोस्रो हाफमा मैदान प्रवेश गरेकी अमिशाले दुवै गोल गरिन् ।

नेपालको जितसँगै भुटान समूह उपविजेता बन्दै अन्तिम चारमा पुगेको छ । दुई खेलमै हार बेहोरेको श्रीलंका समूह चरणबाटै बाहिरिएको छ ।