१८ जना विद्यार्थी चालकहरू आज ट्राफिक प्रहरीको कारवाहीमा
ट्राफिक नियम उल्लङ्घन गर्ने अन्य १ सय ८२ जना चालक पनि कारवाहीमा
काठमाडौं, भदौ २८ । स्कुल कलेजका विद्यार्थी सुरक्षा लक्षित चेकिङ अन्तर्गत आज १८ जना विद्यार्थी चालकहरूलाई ट्राफिक प्रहरीले कारवाही गरेको छ ।
काठमाडौं उपत्यकाका विभिन्न स्थानमा आज बिहान गरिएको चेकिङमा कागजपत्र साथमा नभएका १८ जना विद्यार्थी चालकहरु कारवाहीमा परेका हुन् । त्यस्तै चेकिङको क्रममा ट्राफिक नियम उल्लङ्घन गर्ने अन्य १ सय ८२ ओटा सवारी साधनका चालक पनि कारवाहीमा परेका छन ।
जसअन्तर्गत बिहानै मापसे गरी मोटरसाइकल चलाउने ३ जना पनि कारवाहीमा परेको काठमाडौँ उपत्यका ट्राफिक प्रहरी कार्यालयका प्रवक्ता एवं प्रहरी वरिष्ठ उपरीक्षक राजेन्द्र प्रसाद भट्टले जानकारी दिनु भएको छ ।
प्रकाशित मिति: मंगलबार, भदौ २८, २०७९ १६:१९
प्रतिक्रिया दिनुहोस्
थप समाज दर्पण
साताको लोकप्रीय
