काठमाडौं, भदौ २९ । साफ यू-१७ च्याम्पियनसिप फुटबलको उपाधि भारतले जितेको छ ।

बुधबार श्रीलंकाको कोलोम्बोमा भएको फाइनल खेलमा नेपाल भारतसँग ४-० गोलले हराउँदै भारत च्याम्पियन बनेको हो । यस जितसँगै भारतले लगातार दोस्रो पटक उपाधि जितेको छ । भारतसँग पराजित भएपछि नेपाल साफ यू-१७ च्याम्पियनसिपको उपविजेता बनेको छ ।

खेलको पहिलो हाफको ३० मिनेट नबित्दै नेपाल २-० ले पछि परेको थियो । भारतले १७ औं मिनेटमा बबी सिंहको गोलमा अग्रता लिएको थियो ।

यस्तै भारतले नेपालविरुद्ध समूह चरणमा व्यहोरेको हारको बदला लिएको छ । नेपालले समूह चरणमा भारतलाई ३-१ गोल अन्तरले हराएको थियो ।