काठमाडौं, भदौ ३१ ।  दशरथ रङ्गशालामा आज शुक्रवार भएको पहिलो खेलमा बङ्ग्लादेशलको जितमा कप्तान सविना खातुनको ह्याट्रिक संगै भुटानलाई ८-० गोलको फराकिलो अन्तरले हराउँदै बङ्ग्लादेश साफ महिला च्याम्पियनशिपको फाइनलमा पुगेको छ । बंगलादेशले दुवै हाफमा ४-४ गोल गरेको थियो।

यसअघि सन् २०१६ मा फाइनलमा पुगेको बङ्ग्लादेश भारतसँग ३-१ गोलले पराजित भएको थियो । योसँगै बङ्ग्लादेश दोस्रो पटक साफ महिला च्याम्पियनशिपको फाइनलमा पुगेको छ ।

यसैबीच आजै हुने दोस्रो सेमिफाइनलमा साविक विजेता भारत र नेपाल खेल्दैछन् । खेल दशरथ रङ्गशालामा बेलुकी ५:३० मा सुरु हुनेछ । बंगलादेशले उपाधिका लागि नेपाल र भारतबीच आज साँझ हुने दोस्रो सेमिफाइनलको विजेतासँग खेल्नेछ।