काठमाडौं, भदौ ३१ । साफ महिला च्याम्पियनशिप अन्तर्गत दोस्रो सेमिफाइनलमा नेपालले भारतलाई हराउँदै छैटौं साफ महिला च्याम्पियनसिपको फाइनलमा प्रवेश गरेको छ ।

दशरथ रंगशालामा भएको दोस्रो सेमिफाइनलमा नेपालले १-० को जित दर्ता गरेको हो । नेपाललाई साफ इतिहासमा भारतमाथि पहिलो जित दिलाउने क्रममा रश्मीकुमारी घिसिङले निर्णायक गोल दिलाइन् । नेपालले साफ इतिहासमा भारतमाथि पहिलो जित निकालेको हो ।

यसअघि आजै भएको पहिलो सेमिफाइनलमा बंगलादेशले भुटानलाई ८-० हराउँदै फाइनलमा स्थान पक्का गरिसकेको छ । अब नेपालले फाइनल खेल आउदो सोमवार बेलुकी ५ बजे बङ्ग्लादेशसँग खेल्नेछ ।