काठमाडौं, असोज २ ।  सन् २०२२ को विश्वकप फुटबल यही नोभेम्बरदेखि कतारमा हुन गइरहेको छ। हरेक ४ वर्षको अन्तरालमा हुने विश्वकप फुटबलको यो २२औँ संस्करण हो जुन एशियामा दोस्रो पटक आयोजना हुन लागेको हो। कतार विश्वकप फुटबल आयोजना गर्ने पहिलो अरब राष्ट्र हो।

अहिलेसम्म क-कसले विश्वकप जिते त ?

• ब्रजिल : ५ पटक (सन् १९५८, १९६२, १९७०, १९९४, २००२)
• जर्मनी : ४ पटक (सन् १९५४, १९७४, १९९०, २०१४)
• इटली : ४ पटक (सन् १९३४, १९३८, १९८२, २००६)
• आर्जेन्टिना : २ पटक (सन् १९७८, १९८६)
• फ्रान्स : २ पटक (सन् १९९८, २०१८)
• उरुग्वे : २ पटक (सन् १९३०, १९५०)
• स्पेन : १ पटक (सन् २०१०)
• इङ्गल्यान्ड : १ पटक (सन् १९६६)

सबैभन्दा धेरै फाइनल खेल्ने राष्ट्र जर्मनी हो जसले ८ पटक फाइनल खेलेको छ भने ब्रजिलले ७ पटक फाइनल खेलेको छ।इटलीले ६ पटक र आर्जेन्टिनाले ५ पटक फाइनल खेलेका छन्।

फाइनलमा पुगे पनि विश्व विजेता बन्न असफल देशहरू नेदरल्यान्ड्स (३ पटक), चेकोस्लोभाकिया र हङ्गेरी (२-२ पटक) र स्वीडन र क्रोयशिया (१-१ पटक) रहेका छन्।