काठमाडौं, असोज ३। छैटौँ संस्करणको महिला साफ च्याम्पियनसिपको उपाधि बंगलादेशले जितेको छ ।

नेपाललाई ३-१ गोलले हराउँदै बङ्ग्लादेशले उपाधि जितेको हो । साफ महिला च्याम्पियनशिपले यसपालि नयाँ विजेता पाएको छ। फाइनल खेल आज सोमबार नेपाल र बंगलादेशबीच  त्रिपुरेश्वरस्थित दशरथ रंगशालामा भएको थियोे ।  नेपाल र बंगलादेशका महिला टोलीले पहिलो पटक फाइनलमा खेलेको हो ।

बंगलादेशलाई जित दिलाउन श्रीमोती कृष्णरानी सरकारले दुई गोल गरिन् भने शामसुनाहरले एक गोल थपिन् । नेपालका लागि अनिता बस्नेतले खेलको ७० औँ मिनेटमा गोल फर्काइन् । बंगलादेशले पहिलो पटक नेपाललाई हराएको हो ।