ललितपुर, असोज ७।  गायिका जेरुसा बेपत्ता भएकी छन् । बिहीबार हिजो बिहान देखि उनी सम्पर्क विहीन भएको भन्दै परिवारले जिल्ला प्रहरी परिसर, ललितपुरमा खोजतलासका लागि निवेदन दिएका छन् । 

हालसम्म उनलाई फेला पार्न नसकिएको ललितपुर प्रहरीका प्रवक्ता सुधीरराज शाहीले बताएका छन् । पछिल्लो पटक उनी १०:२० बजे सुन्दरीघाट नजिकको देखिएको खुलेको छ । त्यसैलाई आधार बनाएर खोजतलास जारी राखिएको उनले बताए । इंग्ल्यान्ड बसोबास गर्दै गर्दा पनि नेपाली गीत संगीतलाई योगदान पुर्याउदै आएकी ३० वर्षीया राई आमा सहित सानेपामा बस्दै आएकी थिइन् । उनको कोठामा ‘सुसाइड नोट’ पनि फेला परेको प्रहरी स्रोतको भनाइ छ ।

राई युट्युब मार्फत गीत सार्वजनिक गरेर चर्चामा आएकी गायिका हुन् । उनको ‘बारुद’ बोलको गीत युवा पुस्तामाँझ लोकप्रिय छ । उनले यो गीत माओवादी द्वन्द्वलाई स्मरण गर्दै लेखेकी थिइन् । उनले जैरे नामक सांगीतिक समूह मार्फत पनि प्रस्तुति दिदै आइरहेकी थिइन।