काठमाडौं, असोज १८ । केही समय अघि नै सम्पूर्ण काम सकेर प्रदर्शनको पर्खाइमा रहेको चलचित्र ‘म राजेश हमाल’को फस्ट लुक पोस्टरसँगै रिलिज मिति सार्वजनिक गरिएको छ ।

चलचित्रका निर्माता केदार भुसालले आफ्नो जन्मदिन महानवमीको अवसर पारेर चलचित्र ‘म राजेश हमाल’ को रिलिज डेट सार्वजनिक गर्नुभएको हो । चलचित्र आगामी चैत्र १० गते बाट देशभर प्रदर्शनमा आउने छ ।

जोन योञ्जनको निर्देशनमा बनेको चलचित्रमा सञ्चिता लुँइटेल, मुकुन भुसाल, महेश त्रिपाठी, एभोन राज उप्रेती, सँजोग रसाइली र अस्मिता लामिछानेको मुख्य भूमिका रहेको छ । चलचित्रमा आर्यन सिग्देल विशेष भूमिकामा देखिने छन् भने राजेश हमालको आवाजले कथा बोकेको छ ।

चलचित्रका कथाकार जोन योञ्जन हुन भने पटकथामा जोनलाइ सायदले साथ दिनुभएको छ । आलोक शुक्लाको छायाँकन, भिम विश्वकर्माको सम्पादन, मणि रत्न त्रिपाठिको साउण्ड डिजाइन रहेको चलचित्रको स्क्रिप्ट डक्टर भने केशव पाण्डे हुन । चलचित्रमा दिपक आर जे र कमल रेग्मीको संगीत रहेको छ ।

किरण कुमार महर्जन सह–निर्माता रहेको चलचित्रमा जिव लाल भुसाल, नविन भुसाल र श्रृषा भुसाल भने कार्यकारी निर्माता हुनुहुन्छ । बड पिक्चर, जोय पपया, ट्राइडेन्ट कन्सेप्ट र फोपिको ब्यानरमा बनेको चलचित्र फिल्कर आर्ट्सले निर्माण गरेको हो । फोपि अहिले पछिल्लो समयमा नेपाली चलचित्र जगतमा नयाँ स्वरुप सँग आएको ओटिटि प्लेटफर्म हो । चलचित्रलाई, आर आर  फिल्मसले देशभरका हलहरुमा वितरण गर्दैछ । चलचित्रको डिजिटल राइटओएसआर डिजिटलले खरिद गरेको छ ।

राजेश हमाल केवल सुपरस्टार होइनन् उनी एक भावना हुन् भन्ने ट्यागलाइनमा बनेको चलचित्र को पोस्टर भने ट्राइडेन्ट कन्सेप्टका रोयल भिमसेन (भिमसेन शाही) ले डिजाइन गर्नुभएको हो । निर्माता केदार भुसालले यसअघि प्रदर्शनको लागि घोषणा गरेको उहाँको पहिलो चलचित्र ‘कौसिद’ को नयाँ प्रदर्शन मिति कोजाग्रत पुर्णिमाको दिन सार्वजनिक गर्ने जानकारी दिनुभयो ।