नोरा फतेहीले फिफा विश्वकप २०२२ को गीत ‘लाइट द स्काई’ मा प्रस्तुति दिने
यसअघि जेनिफर लोपेज र सकिराजस्ता विश्व प्रसिद्ध सेलिव्रिटीले विश्वकपमा आफ्नो प्रस्तुति दिइसकेका छन्
दोहा, असोज २४। एसियाली राष्ट्र कतारले आयोजना गरेको फुटबलको सबैभन्दा ठूलो प्रतियोगिता फिफा विश्वकप २०२२ मा बलिउड अभिनेत्री नोरा फतेहीले फिफा विश्वकपको गीत ‘लाइट द स्काई’ मा आफ्नो प्रस्तुति दिने भएकी छिन् । फिफाले विश्वकपका लागि आफ्नो गीत ‘लाइट द स्काई’ सार्वजनिक गरेको छ ।
भारतीय सञ्चार माध्यमका अनुसार कतारमा हुन लागेको फिफा विश्वकप फुटबल २०२२ मा नोराले प्रस्तुति दिने भएकी हुन् । यसअघि जेनिफर लोपेज र सकिराजस्ता विश्व प्रसिद्ध सेलिव्रिटीले विश्वकपमा आफ्नो प्रस्तुति दिइसकेका छन् ।
नोराले फिफाको उद्घाटन र समापन समारोहमा आफ्नो प्रस्तुति दिनेछिन् । साथै उनले समापन समारोहमा एक लोकप्रिय हिन्दी गीतमा नाच्ने छिन् ।
प्रकाशित मिति: सोमबार, असोज २४, २०७९ ११:१५
प्रतिक्रिया दिनुहोस्
थप अन्तर्राष्ट्रिय
साताको लोकप्रीय
