काठमाडौं, असोज २९ । गायक प्रकाश सपुत र रेश्मा घिमिरे अभिनित ’जाने भए जाउ माया’ बोलको म्युजिक भिडियो सार्वजनिक भएको छ । सेण्टिमेण्टल भर्सनको यस गीतमा स्वर गायक सरन गुरुङको रहेको छ । गीतमा शब्द, संगीत बिकाश ल्वागुनको रहेको छ । गीतलाई कोबिद बज्रले संगीत संयोजन गर्नुभएको छ ।
सहना इन्टरटेन्मेन्टको प्रस्तुति रहेको ‘जाने भए जाउ माया’ म्युजिक भिडियो गायक गुरुङको रिलिजको तयारीमा रहेको एल्बम ‘सहना’ मा संग्रहित गीत हो । एल्बम नोभेम्बर १३ मा बिमोचन हुने गायक गुरुङले बताउनुभएको छ । एल्बम रिदम स्क्रीन क्रिएसन र वि द बेस्टको सहयोगमा तयार पारिएको हो । म्युजिक भिडियोमा प्रकाश सपुत र रेश्मा घिमिरे श्रीमान, श्रीमतीको भूमिकामा देखिनु भएको छ ।
बुद्ध थापाले छायाँकन गरेको यो भिडियोलाई बिकाश धमलाले सम्पादन गर्नुभएको हो । निकेश खड्काको निर्देशनमा भिडियो तयार पारिएको हो । भिडियो गायक गुरुङको च्यानल ‘सरन गुरुङ’ मार्फत सार्वजनिक भएको हो । हाल अमेरिकामा बस्दै आएका गायक गुरुङले आफ्नो नयाँ म्युजिक भिडियोलाई हेरेर सुनेर प्रतिक्रिया दिन सबैलाई आग्रह गर्नुभएको छ ।
भिडियो लिंकं
https://youtu.be/6vZtDkaBSTg
