सिओल, कात्तिक १३। दक्षिण कोरियाको राजधानी सिओलको इटावनमा हेलोवीन पार्टीको क्रममा भागदौड मच्चिँदा कम्तीमा १५१ जनाको मृत्यु भएको छ भने सयभन्दा बढी घाइते भएका छन् ।
स्थानीय समाचार एजेन्सीकाहरूका अनुसार दुर्घटनामा मृत्यु हुनेको संख्या अझै बढ्न सक्ने अनुमान गरिएको छ । सिओलको हेलोवीन पार्टीमा सहभागी हुन करिब एक लाख मानिस सडकमा उत्रिएका थिए ।
भिडमा कुटपिट मच्चिएको र त्यस अवधिमा धेरै जनालाई हृदयघात भएको बताइएको छ । घटनास्थलमा कुनै सेलिब्रेटी हेर्नको लागि मानिसहरु भेला भएको बताईएको छ तर दुर्घटनाको वास्तविक कारण भने खुल्न सकेको छैन । सिओलको मुख्य पार्टी स्थल ह्यामिल्टन होटल जाँदै गरेको मानिसको भीड साँघुरो गल्लीमा प्रवेश गरेको र त्यही क्रममा भागदौडमा मानिसको मृत्यु भएको बताइएको छ ।
घाइतेहरूको उपचारका लागि सबै उपलब्ध कर्मचारीहरू सहित देशभरबाट आपतकालीन कर्मचारी र सवारी साधनहरू सडकमा तैनाथ गरिएको छ।
