काठमाडौं, कात्तिक १७ । सामसङ जहिलै उत्कृष्ट उत्पादनहरू ल्याउनका लागि परिचित छ । सामसङले फ्यागशिप फोनदेखि लिएर इन्ट्री लेभलका उत्पादनहरूसम्मका सबै फोनहरुमा सधैँ आफ्ना ग्राहकहरूको लागि केही नयाँ आर्कषक फिचर्स् लिएर आएकै हुन्छ । यो वर्ष सामसङले आफ्नो मिड रेन्ज र फ्यागशिप फोनहरू सार्वजनिक गरेसँगै अब चाँडै नै नेपाली बजारमा नयाँ ग्यालेक्सी ए०४ ल्याउने तयारी गरिरहेको छ ।

यो नयाँ सामसङ ग्यालेक्सी ए०४ को खबरले नेपाली बजारमा चर्चा पाइरहेको छ र चाडै नै नेपाली बजारमा प्रवेश हन्छ भन्ने अनुमान हुँदैछ । यसको मुख्य आकर्षण यसको ५० एमपी क्यामरा रहेको छ, जसले यसलाई नयाँ युवा पुस्ताका लागि एक उक्त फोनको रुममा प्रस्तुत गर्ने छ । युवा प्रयोगकर्ताहरूलाई यसले आफ्ना बहुमूल्य र उत्कृष्ट पलहरु हाई क्वालिटीमा क्याप्चर गर्न दिनेछ ।

यसको अर्को विशेषता भनेको यसको मुल्य दायरा रहने छ । सामसङले हरेक मूल्य दायरामा केही उत्कृष्ट उत्पादनहरू ल्याउँदै आएको छ र यस नयाँ ग्यालेक्सी ए०४ स्मार्टफोन पनि सामसङ लाइन अपको एक उत्कृष्ट फोनकोरुपमा चिनिने छ भन्ने अपेक्षा राखिएको छ ।