पाकिस्तानका पूर्वप्रधानमन्त्री इमरान खानमाथि गोली प्रहार
गोली लागेर खान र उनका चार जना समर्थक घाइते भएका छन् ।
इस्लामावाद, कात्तिक १७ । पाकिस्तानका पूर्वप्रधानमन्त्री इमरान खानमाथि गोली प्रहार भएको छ ।
बिहीबार उनको एक र्यालीमा अज्ञात बन्दुकधारीले गोली चलाउँदा उनी घाइते भएका हुन् । स्थानीय मिडियाका अनुसार गुजरानवालाको अल्लाहवाला चोकमा उनीमाथि गोली प्रहार भएको हो । गोली लागेर खान र उनका चार जना समर्थक घाइते भएका छन् । र्यालीमा रहेका उनीसवार कन्टेनरमा आक्रमणकारीले ३-४ राउण्ड गोली हानेका थिए । इमरानको खुट्टामा गोली लागेको छ, उनलाई अस्पताल लगिएको छ ।
प्रहरीले घटनास्थलबाट एक जनालाई नियन्त्रणमा लिएको छ । यद्यपी, गोली सोही व्यक्तिले चलाएको हो वा अरु कसैले चलाएको हो भन्ने पुष्टि हुन सकेको छैन । इमरान खानले तत्काल निर्वाचनको माग गर्दै इस्लामावादमा प्रदर्शनको नेतृत्व गरेका थिए ।
प्रकाशित मिति: बिहीबार, कात्तिक १७, २०७९ १९:२७
प्रतिक्रिया दिनुहोस्
थप अन्तर्राष्ट्रिय
साताको लोकप्रीय
