दुर्घटना
बसुन्धरामा ट्रकले स्कुटरलाई ठक्कर दिँदा दुई जनाको मृत्यु
काठमाडौं, कात्तिक २४ । काठमाडौँको बसुन्धरामा गए राति ट्रकले स्कुटरलाई ठक्कर दिँदा दुईजनाको मृत्यु भएको छ ।
काठमाडौंको नारायणगोपाल चोकबाट बसुन्धरातर्फ जाँदै गरेको ना८ख १८४१ नम्बरको ट्रकले बागमती प्रदेश ०२–०३२ प २२२७ नम्बरको स्कुटरलाई ठक्कर दिँदा दुईजनाको मृत्यु भएको हो । मृत्यु हुनेमा कास्कीको पोखरा महानगरपालिका–९ का ४७ वर्षीय बेलबहादुर रानामगर र ४७ वर्षीया कल्पना रानामगर रहेका छन् ।
दुर्घटनामा गम्भीर घाइते भएका दुवैजनाको उपचारका क्रममा त्रिभुवन शिक्षण अस्पताल महाराजगञ्जमा मृत्यु भएको उपत्यका ट्राफिक प्रहरी कार्यालयले जानकारी दिएको छ।
ट्रकका चालक चितवनका २५ वर्षीय राम हमाललाई प्रहरीले नियन्त्रणमा लिएको छ । दुर्घटना तीव्र गतिका कारण भएको प्रहरीले जनाएको छ ।
प्रकाशित मिति: बिहीबार, कात्तिक २४, २०७९ ०९:५१
प्रतिक्रिया दिनुहोस्
साताको लोकप्रीय
