बेलयात, जेठ १८ । इंग्लीस प्रिमियर लिग क्लब म्यान्चेष्टर सिटी लेजेन्ड सर्जियो अग्वुरो स्पेनि क्लब बार्सीलोनामा आबद्ध हुनुभएको छ ।

बार्साले अग्वरोसँग दुई वर्षको लागि सम्झौता गरेको हो । यो जुनको अन्त्यसँगै अग्वरोको सिटीसँगको सम्झौता पनि सकिनेछ । ३२ बर्षे अर्जेन्टाइन खेलाडी अग्वेरोले सिटीबाट १० वर्ष खेल्नुभएको थियो  ।

सिटीका सर्वाधिक गोल कर्ता समेत रहनुभएका अग्वेरोले ३ सय ९० खेलमा २ सय ६० गोल गर्नुभएको छ । सिटीबाट उहाँ गत शनिबार च्याम्पियन्स लिगको फाइनल खेल्नु भएको थियो । सिटी सो खेलमा चेल्सीसँग एक सुन्य गोलको पराजय ब्येहोर्दै पहिलो पटक युरोपेली प्रतियोगिताको उपाधी उचाल्न चुकेको थियो । बार्साले अग्वरोको क्लज रकम १०० मिलियन युरो तोकेको छ  ।

सिटीबाट १५ महत्वपुर्ण ट्रफी जित्नु भएका उहाँले अब क्याम्प नोउमा लियोनल मेस्सीसँग अग्रपंक्ति सम्हाल्नुहुनेछ । अर्जेन्टिनाका यी दुई खेलाडी मिल्ने साथी पनि हुनुहुन्छ । उहाँको अनुबन्ध पछि बार्साले ला लिगामा सुधारको अपेक्षा गरेको छ । यो सिजन बार्साले तेस्रो स्थानमा रहँदै लिग टुंग्गाएको थियो । बार्साले एट्लेटिक बिल्बाओलाई हराउँदै कोपा डेल रेको उपाधी जित्यो ।  

सोही उपाधीनै बार्साले जारी सिजन जितेको एकमात्र ट्रफी हो । प्रिमियर लिगमा सबैभन्दा धेरै गोल(१८४) गर्ने उहाँ चौथो खेलाडी हुनुहुन्छ । साथै इंग्लीस लिगमा १२ ह्याट्रिक गर्ने उहाँ पहिलो बिदेशी खेलाडी हुनुहुन्छ ।