काठमाडौं, मंसिर ६ । कतारमा जारी फिफा विश्वकप २०२२ फुटबल अन्तर्गत डेनमार्क र ट्युनिसियाले बराबरी खेलेका छन् ।

दोहाको एजुकेसन सिटी स्टेडियममा मंगलबार भएको खेलमा डेनमार्क र ट्युनिसियाले गोलरहित बराबरी खेल्दै अंक बाडेका हुन् ।

दुबै टोलीले पाएको अवसरलाई सदुपयोग गर्न नसक्दा पहिलो खेलमै दुबै टोलीले अंक बाड्नुपर्यो । यस बराबरीसँगै समूह ‘डी’ का दुबै टोलीले एक एक अंक जोडे ।

यस्तै मंगलबार साँझ सम्पन्न पहिलो खेलमा अर्जेन्टिना साउदी अरेबियासँग २-१ गोलले पराजित भएको थियो । फिफा विश्वकपमा अर्जेन्टिनाले पहिलो खेलमै हार ब्यहोरेको छ ।