काठमाडौं, मंसिर ७ । कतारमा जारी फिफा विश्वकप फुटबल अन्तर्गत आज चार खेल हुँदैछन् । आज बुधबार समूह ‘ई’ र समूह ‘एफ’ को दुई दुई खेलहरु हुनेछन् ।

पहिलो खेल समूह ‘एफ’ मा रहेको मोरक्को र क्रोएसियाबीच नेपाली समय अनुसार दिउँसो ३:४५ बजे सुरु हुनेछ । यस्तै दोस्रो खेलमा उपाधि दाबेदार समूह ‘ई’ मा रहेको जर्मनी र जापानबीच प्रतिस्पर्धा हुनेछ । खेल साँझ ६:४५ बजे सुरु हुनेछ ।

तेस्रो खेल अन्तर्गत समूह ‘ई’ मा रहेको स्पेन र कोस्टारिकाबीच प्रतिस्पर्धा हुनेछ। उपाधि दाबेदार स्पेन र कोस्टारिकाबीचको खेल राति ९ः४५ बजे सुरु हुनेछ ।

यस्तै बुधबार हुने चौथो खेलमा समूह ‘एफ’ मा रहेको बेल्जियम र क्यानडाबीच राति १२ः४५ मा सुरु हुनेछ ।