काठमाडौं माछापोखरीस्थित गेष्ट हाउसमा एक व्यक्ति मृत अवस्थामा फेला
काठमाडौं, मंसिर १२ । काठमाडौं माछापोखरीस्थित गेष्ट हाउसमा एक व्यक्ति मृत फेला परेका छन् ।
काठमाडौं महानगरपालिका-१६ माछापोखरी बसन्तनगरस्थित पाल्पा तिनाउ फुलबारी गेष्ट हाउसको १०५ नम्बर कोठामा मंसिर १० गते देखि बस्दै आएका पाल्ला बर्तुङ्ग गाउँपालिका-६ घर भएका ६० वर्षीय कुमार चन्द्र कोईराला उक्त गेष्ट हाउसको कोठामा आइतबार मृत अवस्थामा फेला परेका छन् । चितवनको ईच्छाकामना गाउँपालिका-३ चुम्लिङटारस्थित त्रिशुली नदी किनारमा हाल नाम, थर, वतन नखुलेका अन्दाजी ३० वर्षीय पुरुष आइतबार मृत अवस्थामा फेला परेका छन् ।
धनुषाको जनकपुर उपमहानगरपालिका-९ बाह्रविघामा हाल नाम, थर, वतन नखुलेका अन्दाजी ३२ वर्षीय पुरुष आइतबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।
प्रकाशित मिति: सोमबार, मंसिर १२, २०७९ १४:४७
प्रतिक्रिया दिनुहोस्
थप स्थानीय
साताको लोकप्रीय
-1732858707.jpeg)
