फिफा विश्वकप 2022
फिफा विश्वकपमा आजदेखि समुह चरणका अन्तिम खेल सुरु
आजदेखि विश्वकपका दुई खेल एकै समयमा
1669700009.jpg)
काठमाडौं, मंसिर १३ । कतारमा जारी फिफा विश्वकप प्रतियोगिता अन्तर्गत आज मंगलबारबाट समूह चरण अन्तर्गतको अन्तिम चरणका खेलहरु सुरु हुनेछन् ।
अन्तिम चरणका खेलहरु एकै समयमा हुने प्रावधान अनुसार आज समुहमा रहेका ४ वटा टोली एकै समयमा मैदानमा उत्रनेछन् । आज समूह 'ए' र समूह 'बी' का दुई दुई खेलहरु हुनेछन् ।
पहिलो दुई खेलमा समूह 'ए' मा रहेका ईक्वेडर र सेनेगल तथा नेदरल्याण्ड्स र कतारबीच प्रतिस्पर्धा हुनेछ। दुबै खेल नेपाली समयअनुसार बेलुका ८ः४५ बाट सुरु हुनेछ । नेदरल्याण्ड र इक्वेडर आफ्नो खेलमा बराबरी नतिजा ल्याए मात्र पनि अन्तिम १६ मा पुग्ननेछन् ।
यस्तै दोस्रो खेल समूह बी मा रहेको इंग्ल्याण्ड र वेल्स तथा अमेरिका र इरानबीचको खेल राति १२ः४५ बजे हुनेछ । यस खेलहरुबाट समूह 'बी' बाट अन्तिम १६ मा पुग्ने दुई राष्ट्रको टुङ्गो लाग्नेछ ।
प्रकाशित मिति: मंगलबार, मंसिर १३, २०७९ ११:१८
प्रतिक्रिया दिनुहोस्
थप खेलकुद
-1732534868.JPG)
साताको लोकप्रीय
