काठमाडौं, मंसिर २५ । अनलाइन मार्फत सट्टेवाजी गर्ने व्यक्तिहरु पक्राउ परेका छन् । काठमाडौं उपत्यका अपराध अनुसन्धान कार्यालयका अनुसार पक्राउ पर्नेहरुमा भारतको राजस्थान घर भई काठमाडौंको नरदेवी बस्ने ३२ बर्षिय पवन कुमार शर्मा र पाल्पाको रैनादेवी गाउँपालिका घर भई हाल काठमाडौंको बुढानिलकण्ठ बस्ने ३७ बर्षिय रुद्र प्रसाद पोखरेल रहेका छन् ।

काठमाडौंको बिभिन्न स्थानमा अनलाईन सट्टेबाजी भईरहेको छ भन्ने बिशेष सुचनाको आधारमा प्रहरीले शनिवार साँझ पक्राउ गरेको उक्त कार्यालयले जनाएको छ । पक्राउ परेका मध्ये पोखरेललाई जमल र शर्मालाई नरदेवीबाट पक्राउ गरिएको हो ।

पक्राउ परेका दुबै जनालाई मुलुकी अपराध संहिताको दफा १२५ को उपदफा ४ बमोजिम कारवाही गर्नको लागि जिल्ला प्रहरी परिसर टेकु पठाईएको छ ।