काठमाडौं, पुस ८ । विदेशी विनियम कारोबार सम्बन्धी व्यवस्थामा संसोधन भएको छ । राष्ट्र बैंकले शुक्रबार बिप्रेषण विनियमावली, २०६७, नेपाल राष्ट्र बैंक मनी चेञ्जर इजाजतपत्र तथा विनियमावली, २०७७, तथा नेपाल राष्ट्र बैंक विदेशी विनिमय कारोबार इजाजतपत्र तथा विनियमावली २०७७ लाई संशोधन गर्दै यस्तो व्यवस्थामा कडाइ गरेको हो ।

संशोधित व्यवस्था अन्तर्गत नेपाल राष्ट्र बैंक विप्रेषण विनियमावली, २०६७ लाई संसोधन गरी विदेशी विनिमय कारोबारमा संलग्न हुने कम्पनीमा सञ्चालक हुनुको लागि प्रहरी प्रतिवेदनमा आपराधिक पृष्ठभूमि देखिएको भए सजाय भुक्तानी गरेको पाँच वर्ष व्यतीत भइसकेको प्रमाण पेस गर्नुपर्ने छ । परिपत्र अनुसार प्रहरी प्रतिवेदनमा आपराधिक पृष्ठभूमि देखिएको भए सजाय भुक्तान गरेको पाँच वर्ष व्यतीत भइसकेको सम्बन्धी प्रमाण समेत पेस गर्दछ, भनेर उल्लेख गर्नु पर्नेछ ।

यसैगरी नेपाल राष्ट्र बैंक मनिचेन्जर इजाजतपत्र तथा निरीक्षण विनियमावली, २०७७ लाई पनि संसोधन गरी प्रहरी प्रतिवेदनमा आपराधिक पृष्ठभूमि देखिएको भए सजाय भुक्तान गरेको पाँच वर्ष व्यतीत भइसकेको प्रमाण पत्र पेस गर्नु पर्ने छ । नेपाल राष्ट्र बैंक विदेशी विनिमय कारोबार इजाजतपत्र तथा निरीक्षण विनियमावली, २०७७ लाई पनि संशोधन गरी प्रहरी प्रतिवेदनमा आपराधिक पृष्ठभूमि देखिएको भए सजाय भुक्तान गरेको पाँच वर्ष व्यतीत भइसकेको प्रमाणपत्र पेस गर्नुपर्ने छ ।