काठमाडौं, पुस ८ । गायन रियालिटी शो ‘द भ्वाइस अफ नेपाल सिजन -४' को फिनाले आज हुँदैछ। आज बेलुकी ७:३० बजेदेखि सुरु हुने ग्रान्ड फिनालेमा अन्तिम चार प्रतिपर्धीमध्ये एक जना विजेता छानिनेछ।

ग्राण्ड फिनालेमा चार जना कोचका चार ट्यालेन्टले उपाधिका लागि प्रतिस्पर्धा गर्दैछन् । प्रमोद खरेलको टिमबाट योगेश मगर, राजु लामाको टिमबाट करण राई, प्रविशा अधिकारीको टिमबाट साइल लिम्बु र राजेश पायल राईको टिमबाट सविना योङहाङ उपाधिका लागि भिड्दैछन्।

द भ्वाइस अफ नेपालको ग्राण्ड फिनाले हिमालय टेलिभिजनमा प्रसारण हुनेछ । ब्लाइन्ड अडिसनमा छानिएका ६४ जना प्रतिभा ब्याटल, लाइभ हुँदै फाइनलमा पुगेका हुन ।