काठमाडौं, पुस १० । भारतीय चर्चित टेलिभिजन अभिनेत्री तुनिषा शर्माले शनिबार आत्महत्या गरेकी छन् । उनको शव मेकअप रुमको वाशरूममा झुण्डिएको अवस्थामा फेला परेको थियो । तुनिषा ‘अली बाबा दास्तान-ए-काबुल’ को सुटिङमा थिइन् ।
अभिनेत्रीका परिवारले तुनिषाका सह-कलाकार शीजान मोहम्मद खानमाथि शंका गरेका छन् । प्रहरीले शिजानसँग सोधपुछ गरिरहेको छ ।
२० वर्षीया तुनिषा टेलि उद्योगकी लोकप्रिय अभिनेत्री मध्येकी एक थिइन् । उनले धेरै टिभि कार्यक्रमहरू जस्तै - चक्रवर्ती अशोक सम्राट, भारत का वीर पुत्र, महाराणा प्रताप र अली बाबामा काम गरेकी थिइन्। यस बाहेक सामाजिक सञ्जालमा उनको फ्यान फलोइङको संख्या ठूलो थियो । उनले इन्स्टाग्राम मार्फत आफ्ना फ्यानलाई निरन्तर अपडेट गरिरहेकी हुन्थिन् ।
तुनिषा शर्माको आत्महत्या प्रकरणलाई ध्यानमा राख्दै प्रहरीले शीजान मोहम्मद खानलाई मुम्बईको अदालतमा लगेको छ ।
