काठमाडौं, पुस ११।  नवनियुक्त प्रधानमन्त्री पुष्पकमल दाहाल प्रचण्डले प्रधानमन्त्रीको सरकारी निवास बालुवाटारमा कुनै पनि भड्किलो सामान खरिद नगर्न निर्देशन दिनुभएको छ ।

प्रधानमन्त्री प्रचण्डले आज सोमवार सचिवालय मार्फत कुनै पनि भड्किलो मालसामान खरिद नगर्न निर्देशन दिनुभएको हो । प्रधानमन्त्री प्रचण्डका स्वकीय सचिव रमेश मल्लका अनुसार कुनै पनि नयाँ तथा भड्किलो सरसामान खरिद नगर्न निर्देशन दिनुभएको छ ।

प्रधानमन्त्री प्रचण्डले प्रधानमन्त्री कार्यालयको स्वकीय सचिवालय मार्फत उहाँको निवास व्यवस्थापन शाखालाई यस्तो निर्देशन दिनुभएको मल्लले जानकारी दिनुभयो ।