दाङको घोराहीमा तीनजना सवार मोटरसाइकल दुर्घटना हुँदा एकको मृत्यु, दुई घाइते
दाङ, पुस २८ । दाङको घोराही उपमहानगरपालिका-११ अवलडाँडामा रा.४ प ६०५१ नम्बरको मोटरसाइकल अनियन्त्रित भई सडकबाट करिब १५ मिटर तल खसेर गएराति दुर्घटना हुँदा मोटरसाइकलमा सवार सोही उपमहानगरपालिका-१० जलौरा बस्ने १८ वर्षीय सरोज चौधरीको मृत्यु भएको छ ।
दुर्घटनामा गम्भीर घाइते भएका उनको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार अन्य २ जनाको सोही अस्पतालमा उपचार भइरहेको छ । दुर्घटनाका सम्बन्धमा प्रहरीले थप अनुसन्धान गरिरहेको छ ।
प्रकाशित मिति: बिहीबार, पुस २८, २०७९ १२:४७
प्रतिक्रिया दिनुहोस्
साताको लोकप्रीय
